ማቲው ቴምቦ በደቡብ የአፍሪካ ክፍል ከምትገኘው ዛምቢያ የተገኘ አፍሮ ፓፕ ሙዚቀኛ ሲሆን በሀገሩ እንዲሁም በውጭ ሀገራት ጎልቶ የሚታይ የዛምቢያ ሙዚቃ አምባሳደር ነው፡፡ ማቲው በአውሮፓ በሙዚቃ ጉዞ ላይ እንዳለ ‘’ኒላ’’ እንዲሁም ‘’ካማልያ ንዲሙ’’ ተብለው የተሰየሙና ‘’ሴቭ ማይ ሶውል’’ ከተሰኘው ሁለተኛ አልበሙ ላይ የሚገኙ እውቅ ነጠላ ዜማዎችን ፕሮዲውስ አድርጓል፡፡ ይህ አልበም ሬጌ አልበም ሲሆን በኔዘርላንድስ በ1993 የተቀዳ ነው፡፡ ማቲው ‘’አንተም’’ የተሰኘው አልበሙ ላይ ለሚገኘው ‘’ናንዴንጋ’’ ለተሰኘው ሙዚቃው ምርጥ አፍሮ ፊውዥን ተብሎ በቦርን ኤንድ ብሬድ አዋርድስ በተሰኘ ሽልማት በ2008 ዓ.ም በዛምቢያ የተሸለመ ሲሆን አልበሙ የዛምቢያን አገር በቀል የሙዚቃ መሳሪያዎች የያዘ የመጀመሪያ ስራው ነበር፡፡ ማቲው በአሁኑ ሰዓት ምቴንዴሬ (ሰላም) የተሰኘው አልበሙን በማስተዋወቅ ላይ ይገኛል፡፡

ሙሉ የመድረክ ላይ ስራውን በሙዚቃዊ ዩቲዩብ ቻናል ተመልከቱ!

The post የማቲው ቴምቦ የ2016 ዓ.ም አዲስ ጃዝ ፌስቲቫል ሙሉ የመድረክ ስራ ተለቀቀ! appeared first on Muzikawi.

ታዳሚዎች በአኒስ ቀልብን በሚገዛ የመድረክ ላይ አቀራረብ ተማርከው አብረው ሲያዜሙ እንዲሁም ሲወዛወዙ የተስተዋሉ ሲሆን የጃዝ ስሜት ያለው የአኒስ ‘’ሀደ ሚልኪ’’ የተሰኘ ዜማ ከፌስቲቫሉ ጭብጥ ጋር አብሮ የሚሄድ የነበረና ለዝግጅቱ ጣዕም የሰጠ ነበር፡፡

አኒስ በ2014 ዓ.ም ከሙዚቃዊ ጋር  ባወጣው ‘’ሀደ ሚልኪ’’ የተሰኘ ነጠላ ዜማ የብዙዎችን ቀልብ መማረኩ አይዘነጋም፡፡ ይህ እራሱ አኒስ ያቀናበረውና ጆርጋ መስፍን ሪ-አሬንጅ ያደረገው ዜማ አኒስን በሃጫሉ ሁንዴሳ አዋርድ ላይ ምርጥ አቀናባሪ በሚል ዘርፍ እንዲያሸንፍ ሲያደርገው ምርጥ ዘመናዊ ዜማ እንዲሁም ምርጥ ወንድ አርቲስት በሚለው ዘርፍ ደግሞ እንዲታጭ አድርጎታል፡፡

በሚያዝያ ወር 2016 ዓ.ም አኒስ ሁለተኛ ነጠላ ዜማው የሆነውን ‘’ኮቱሜ’’ ከሙዚቃዊ ጋር በመሆን ለህዝብ አድርሷል::

ወደ ሙዚቃዊ ዩቲዩብ ቻናል በማምራት የአኒስን የ2015ት ሙሉ የአዲስ ጃዝ ፌስቲቫል የመድረክ ላይ ስራ እንድትመለከቱ እንዲሁም በቅርብ ጊዜ ለአድማጮች ያደረሰውን ‘’ኮቱሜ’’ የተሰኘ ነጠላ ዜማውን በተጨማሪም ‘’ሀደ ሚልኪ’’ ን እንድታደምጡ ጋበዝን፡፡

The post የአኒስ ገቢ የ2015ቱ አዲስ ጃዝ ፌስቲቫል ሙሉ የመድረክ ላይ ስራ ተለቀቀ! appeared first on Muzikawi.

The post የሴልሞር ቱኩዚ የ2016 ዓ.ም አዲስ ጃዝ ፌስቲቫል ሙሉ የመድረክ ላይ ስራ ተለቀቀ! appeared first on Muzikawi.

‘ብሩህ’ የኢትዮጵያ ሙዚቃ  ትሩፋት የሚከብርበት ‘አንቺ ሆዬ ለኔ’ በተሰኘው ባህላዊ ቅኝት ላይ የተመሰረተ ሙዚቃ ነው፡፡ ሙዚቃው እንደ ትሮምቦን እና ትራምፔት ያሉ የሙዚቃ መሳሪያዎች ነፍስ የዘሩበት ሲሆን ይህም በ1960ዎቹ እና 70ዎቹ የግርማዊ ንጉሰ ነገስት ባንድ ቅላጼን የሚያስታውስ ነው፡፡ በሙዚቃው ላይ ግሩም የትሮምቦን፣ትራምፔት እና ሌሎች የሙዚቃ መሳሪያዎች ከተለያዩ ምቶች ጋር ሆነው በመውጣት በመውረድ ቀልብን የሚገዛና የሚያነቃቃ ድምጽ ይፈጥራሉ፡፡

‘ብሩህ’ ሙዚቃ አንኳር ላይ የአፀደማሪያም ልብ የሚሰርቅ ድምጽ ይገኝበታል፡፡ በውብ ቅላጼውና ጥልቅ ስሜትን በመያዙ የሚታወቀው የአፀደማርያም ድምጽ እንደ አስቴር አወቀ፣ብዙነሽ በቀለ እና ኩኩ ሰብስቤ ያሉ ድምጻውያን ተጽእኖ ያረፈበት ሲሆን የኢትዮጵያ ሙዚቃ ትሩፋትን የሚያንጸባርቅ ነው፡፡ የድምጿ ዘይቤ አስቴር አወቀን የሚያስታውስ እና እንደ አስቴር አወቀ ስሜትን በዳበረ ሁኔታ የመግለጽ ችሎታን እንዲሁም ግርማ ሞገስን የያዘ ነው፡፡

አፀደማርያም የእነዚህን አንጋፋ አርቲስቶ ስራዎች በምትኖርበት በማድመጥ እና በምትኖባት ባህር ዳር ከተማ በመጫወት ችሎታዋን አዳበረች፡፡ በዛም በአካባቢው ያሉ ክለቦች እንዲሁም በተለያዩ ክብረ-በዓላት ላይ የሚገኙ አድማጮችን ቀልብ ገዛች እራሷም ሙዚቃ ውስጥ ሰጠመች፡፡

አፀደ ማርያም ዓ.ም  በባህር ዳር የተካሄደው ሰላም ፌስቲቫል ላይ ከሙዚቃዊ ጋር ስትገናኝ ነበር በሙዚቃ ህይወቷ ጉልህ ምዕራፍ የተከፈተው፡፡ በዚያን ጊዜ አንጋፋው ሙዚቀኛ መሀሙድ አህመድን ለማጀብ ወደ ባህር ዳር ከተጓዙ ቁንጮ ሙዚቀኞች ጋር ጎን ለጎን ሙዚቃን ለመጫወት እድሉን አገኘች፡፡ ባንዱ እንደ ሄኖክ ተመስገን፣አበጋዙ ሺዖታ፣ግሩም መዝሙር እና ያሬድ ተፈራ ያሉ እውቅ አርቲስቶችን የያዘ ነበር፡፡ አፀደማርያም በዛን ጊዜ ያቀረበችው የመድረክ ላይ ስራ እንዲሁም ከኢትዮጵያ ባህል ጋር ያላት ቁርኝት የነዚህን እውቅ ድምጻውያን ቀልብ መሳብ ቻለ በተጨማሪም ከሙዚቃዊ ጋር ጥምረት እንዲፈጠር ምክንያት ሆነ፡፡ 

ብሩህ አዲስ ነጠላ ዜማ ብቻ ሳይሆን የኢትዮጵያ የካበተ የሙዚቃ ባህል የከበረበት እና እያደገ ያለው የድምጽ መልክዓምድር ማሳያ ነው፡፡          

ወደ ሙዚቃዊ ዩቲዩብ ቻናል እንዲሁም ዲጂታል መተግበሪያዎች በማምራት ሙዚቃውን እንድታደምጡ እንጋብዛለን!

The post የአፀደማርያም ፍቅሬ ‘ብሩህ’ የተሰኘ ነጠላ ዜማ ተለቀቀ! appeared first on Muzikawi.

ከሙዚቃዊ ጋር በመሆን ስንታየሁ ፀደይ የተሰኘ አምስት ዜማዎችን የያዘ ገሚስ አልበሟን ከሁለት አመታት ገደማ በፊት ለህዝብ እንዳደረሰች የሚታወስ ነው፡፡በተጨማሪም ስንታየሁ በቅርቡ ከባልከው ዓለሙ ጋር በመሆን ከሃሳቤና ይገርማል የተሰኙ ሁለት የቅብብሎሽ ዜማዎችን ለህዝብ አድርሳለች፡፡

የአዲስ ጃዝ ፌስቲቫል የመድረክ ላይ ስራዋን ሙዚቃዊ ዩቲዩብ ላይ ተመልከቱ፣አድምጡ፤እንዳያመልጣችሁ!

The post የስንታየሁ በላይ የ2015 ዓ.ም አዲስ ጃዝ ፌስቲቫል ሙሉ የመድረክ ስራ ቪዲዮ አሁን ይገኛል! appeared first on Muzikawi.

እውቁ ሙዚቀኛ ጆርጋ መስፍንና “የኢትዮ ጃዝ” አባት በመባል የሚታወቀው ሙላቱ አስታጥቄ በአንድ መድረክ ላይ የተጫወቱበትን የአዲስ ጃዝ ፌስቲቫል ይመልከቱ! በአፍሪካ ጃዝ መንደር የተካሄደው የዚህ ፌስቲቫል ሙሉ የመድረክ ላይ ስራ በሙዚቃዊ ዩቲዩብ ቻናል ላይ የሚገኝ ሲሆን እኛም ይህን ሰባት የጃዝ ሙዚቃዎችን የያዘ ስራ ለእናንተ ስናደርስ ደስታ ይሰማናል፡፡ 

እንደ ጆን ኮልታሬን፣ ዱክ ኤሌንግቲን፣ ካሳ ተሰማ፣ ዶ/ር ሙላቱ አስታጥቄ እና ጂሚ ስሚዝ ያሉ አንጋፋ የጃዝ ተጫዋቾች በሚጫወቱት ሙዚቃዎች በመመሰጥ ያደገው ጆርጋ መስፍን የሙዚቃ ጉዞው በኢትዮ ጃዝ የካበተ ባህል/ትሩፋት ላይ በጥልቀት የተመሰረተ ነው፡፡ በ1998 ዓ.ም ወደ ሙሉ ጊዜ ሙዚቀኛ በመዘዋወር ከሁለት አስርት አመታት በላይ ልምድ ማካበት የቻለው ጆርጋ በሙዚቃ ጉዞው የላቲን ጃዝ ስብስብ የሆነውን ኮሁንቶ ሳሪዮንኬ እንዲሁም በአትላንታ የኢትዮ ጃዝ ቡድን የሆነውን ውዳሴ ባንድን በጋራ መስርቷል፡፡

ከመድረክ ባሻገር ጆርጋ መስፍን እንደ “ጤዛ” ፣ “ታዛ” ፣ “ምን አለሽ” እና “ቁራኛዬ” ለተሰኙ ፊልሞች አስተዋጽኦ በማበርከት ለፊልም በሚቀናበሩ የማጀቢያ ሙዚቃዎች ረገድ ጉልህ አስተዋጽኦን አበርክቷል፡፡ ስራዎቹም ቤስት ሚዩዚክ ሴሌክሽን በተሰኘው ዘርፍ በካርቴጅ ፌስቲቫል ላይ በዱባይ አለምቀፍ የፊልም ፌስቲቫል ላይ ደግሞ ምርጥ አቀናባሪ ሽልማት ላይ ስመጥሩ የሆኑ ሽልማቶችን አስገኝተውለታል፡፡

በቅርቡም ‘’ከሁሉ የላቀው ደግ’’ የተሰኘ ሜዲቴቲቭ ኢትዮ ጃዝ አልበም ማድረሱ የሚታወስ ሲሆን ስለ አልበሙ ሲናገር ‘’የሕይወትን ስጦታ እንዲሁም ሙዚቃን ሞያዬ እንዳደርግ ካደረገኝ እግዚአብሔር ጋር ያለኝን ጥልቅ ቁርኝት የሚያመላክት ነው’’ ይላል፡፡ በ1999 ዓ.ም የተቀረጸው ይህ አልበም  ከደግ ጓደኞቹ ጋር የተጋራው የሙዚቃ ተሞክሮ ምስክር ነው፡፡

የጆርጋ መስፍን “ከሁሉ የላቀው ደግ”  አልበም ሸክላን ሃያ ሁለት ረዊና ህንጻ 7ተኛ ፎቅ ወደ ሚገኘው ቢሯችን ጎራ በማለት መግዛት ይችላሉ!

ስለአዲስ ጃዝ ፌስቲቫል                                                                                                                                                                                               የአዲስ ጃዝ ፌስቲቫል በኢትዮጵያ ከሚገኙ እውቅ የሙዚቃና ኩነት አዘጋጅ ድርጅቶች ውስጥ አንዱ በሆነው  በሙዚቃዊ የሚዘጋጅ ፌስቲቫል ሲሆን ለመጀመሪያ ጊዜ በ 2011 ዓ.ም ነው የተካሄደው:: ፌስቲቫሉ ለአዲስ አበባ ጃዝን ለማስተዋወቅ፣ ኢትዮ ጃዝን ለማስፋፋት እንዲሁም የአገር ውስጥና የአለምአቀፍ አርቲስቶች የሚገናኙበትንና አዲስ ስራዎችን የሚያቀርቡበትን መድረክ ለመፍጠር ያልማል፡፡

The post የጆርጋ መስፍን የ2016 ዓ.ም የአዲስ ጃዝ ፌስቲቫል ሙሉ የመድረክ ላይ ስራ ተለቀቀ! appeared first on Muzikawi.

ሻደይ፣አሸንድዬ እና ሶለል ከነሐሴ 16 – 21 ድረስ በአማራ ክልል ዋግኽምራ ሰቆጣ፣ ላስታ ላሊበላ እና ቆቦ ስፍራዎች የሚከበሩ ባህላዊ እንዲሁም ሀይማኖታዊ ዳራ ያላቸው አመታዊ ክብረ-በዓሎች ናቸው።

በበዓሉ ወቅት ሰዎች ያላቸውን ለሌሎች ያካፍላሉ፤ ሻል ያለ ኑሮ ያላቸው ግለሰቦች ስጋ፣ቅቤና ወተት ለሌላቸው ጎረቤቶቻቸው ያካፍላሉ፤በተጨማሪም አንዲት ልጃገረድ ለበዓሉ የሚሆን ልብስ ከሌላት ሌሎች የክት ልብሳቸውን ያውሷታል፡፡ 

በበዓሉ ወቅት ልጃገረዶች እንዲሁም ሴቶች ተሰብስበው ወደ ቤተክርስቲያን በመሄድ ከወገባቸው የሻደይ ቄጠማዎችን መዘው መሬት ላይ በማኖር ምስጋና ያቀርባሉ ፣ ለሚቀጥለው አመት እንዲያደርሳቸው ይጸልያሉ በተጨማሪም ከቤት ወደ ቤት በመሄድ ባህላዊ ዘፈኖችን ይዘፍናሉ፡፡ ከእነዚህም ውስጥ የአንዱ ዘፈን ስንኝ 

‘’አሽከር ይሙት ይሙት ይላሉ የኔታ፣

አሽከር አይደለም ወይ የሚኾነው ጌታ።

ሻደይ ሻደይ ወይ’’ 

ይሰኛል፡፡ ምንም እንኳን ይህ በዓል የልጃገረዶች ክብረ-በዓል ቢሆንም ወንዶችም ይሳተፋሉ፡፡ በዚህ ወቅት ወንዶቹ የክት ልብሳቸውን ለብሰው ልጃገረዶችን ከክረምት ጎርፍ የሚከላከሉላቸው ሲሆን የወደፊት የትዳር አጋራቸውን ለመምረጥም እንደ ጥሩ አጋጣሚ ይጠቀሙታል፡፡

The post ሙዚቃዊ ‘’የሻደይ አሸንድዬ ዜማዎች’’ የተሰኘ አልበም ለህዝብ አደረሰ appeared first on Muzikawi.

ይህ አልበም ራያ፣ተምቤን፣አጋሜ፣እንደርታና አክሱምን ጨምሮ ከትግራይ የተለያዩ ስፍራዎች የተውጣጡ ስድስት ድምጻውያን የተሳተፉበት ሲሆን በክልሉ የሚገኙ አርቲስቶች ተሰባስበው መሰል ልዩ የሙዚቃ ፕሮጀክት ላይ ሲሳተፉ ይህ የመጀመሪያው ነው፡፡ የአልበሙ በርካታ ግጥሞች እና ዜማዎች የህዝብ ሲሆኑ በርካቶቹ በእንደርታ እና ተምቤን አካባቢ የሚዘፈኑ እና አሸንዳ የሚጫወቱ ልጃገረዶችን ማወደስ፣የአሸንዳን መድረስ ማብሰር እንዲሁም ልጃገረዶች እራሳቸውን ለማስጌጥ የሚያደርጓቸው ጌጣጌጦች ላይ የሚያተኩሩ ናቸው፡፡

አሸንዳ በትግራይ ክልል ከነሐሴ 16-24 የሚከበር ፌስቲቫል ሲሆን በበኦርቶዶክስ እምነት ተከታዮች ዘንድ የድንግል ማርያምን እርገት እንዲሁም የፍልሰታ ጾም ማብቂያን ታሳቢ በማድረግ የሚካሄድ በዓል ነው፡፡ በፌስቲቫሉ ወቅት ሴቶችና ልጃገረዶች ተሰባስበው ቄጠማ በወገባቸው ዙሪያ በማድረግ ከጎን ወደ ጎን እይተዟዟሩ እጃቸውን በማጨብጨብ እንዲሁም ከበሮ በመምታት በዓሉን ያከብራሉ፡፡ በበዓሉ ክብረ በዓል ወቅት ተወዳጁ ‘’”መፀት መፀት አሸንዳ ዕምበብ መፀት’’ ከሚለው ጨዋታ በተጨማሪ ሌሎች ተጨማሪ ባህላዊ ዘፈኖችን ይጫወታሉ፡፡

በ2013 ዓ.ም የተቀዳው ‘’የአሸንዳ ጨዋታዎች’’ አልበም እስከ አሁን መዝለቅ ለቻለው የትግራይን የባህል ትውፊትና ደማቅ የሙዚቃ ባህል መታሰቢያ ነው፡፡

የትግራይ ባህል ቡድን በ1960 ዎቹ ከተቋቋመ ጀምሮ ባህልን አስጠብቆ የማቆየት ምሰሶ የነበረ ሲሆን ከ1970ዎቹ እስከ 1980ዎቹ ትግራይ ኪነት ከዛም በነሐሴ ወር 2004 ዓ.ም በድጋሚ የትግራይ ባህላዊ ቡድን በመባል ታድሶ የትግራይን የካባተ ባህል ማንጸባረቁን ቀጥሏል፡፡ ሙዚቀኞችን፣ ተወዛዋዦችንና አርቲስቶችን የያዘው ይህ ቡድን በኢትዮጵያ እንዲሁም አንጎላና ኳታርን ጨምሮ በዓለም አቀፍ ደረጃ ትልልቅ መድረኮች ላይ ስራውን አቅርቧል፡፡

The post የአሸንዳ ጨዋታዎች የተሰኘው አልበም ተለቀቀ appeared first on Muzikawi.

አዲስ ጃዝ ፌስቲቫል በኢትዮጵያ እውቅ የሙዚቃና የኢቬንት ፕሮዳክሽን ድርጅቶች ውስጥ አንዱ የሆነው ሙዚቃዊ የሚታወቅበት  ዝግጅት ሲሆን በምስራቅ አፍሪካ ብቸኛው የሆነው ፌስቲቫል አንጋፋና አዳዲስ ሙዚቀኞችን እንዲሁም የሀገር ውስጥና ዓለም አቀፍ አርቲስቶች የሰሯቸውን አዳዲስ ስራዎች ያቀርባል፡፡ ለመጀመሪያ ጊዜ  በ2012 ዓ.ም  የተደረገው ፌስቲቫል አላማው የጃዝ ሙዚቃን ለአዲስ አበባ ማስተዋወቅ እና ለአለም አቀፍ የጃዝ ሙዚቀኞች የትስስር እድልና መድረክ መፍጠር ነው፡፡ 

ከተጀመረበት ጊዜ  አንስቶ ፌስቲቫሉ በጉልህ ሁኔታ ያደገ ሲሆን ያለፈው አመት ፌስቲቫል በስዊድን ኤምባሲ ፣ የዘንድሮ አመቱ ፌስቲቫል ደግሞ የአፍሪካ ቀን ክብረ በዓል ላይ በማተኮር በአፍሪካ ጃዝ ቪሌጅ ተዘጋጅቷል፡፡                                                                                                                                                                                                                     

በበርካታ የፌስቲቫሉ ወዳጆች ጥያቄ መሰረት ከዛሬ ጀምሮ የ2015 እና 2016 ዓ.ም የአዲስ ጃዝ ፌስቲቫል ላይ ስራቸውን ያቀረቡ  አርቲስቶችን  ሙሉ የመድረክ ስራ በየሁለት ሳምንቱ ለእናንተ የምናደርስ ሲሆን  አርቲስት ባልከው አለሙን በማስቀደም በ2015 ዓ.ም የአዲስ ጀዝ ፌስቲቫል ላይ የተጫወታቸውን ‘’ፈልጌ’’ ‘’የትዝታ ፈረስ’’ እና ‘’ዘውዲቱ’’ የተሰኙ ዜማዎቹን በሙዚቃዊ ዩቲዩብ ቻናል  ለአድማጮች እነሆ ብለናል፡፡ አያምልጥዎ! ሙዚቃዊ ዩቲዩብ ቻናልን ሰብስክራይብ በማረግ በየሁለት ሳምንቱ የምናቀርበውን የአዲስ ጃዝ ፌስቲቫል ያጣጥሙ!

The post የ2015 እና 2016 ዓ.ም የአዲስ ጃዝ ፌስቲቫል ሙሉ ቪዲዮዎች ከዛሬ ጀምሮ በሙዚቃዊ ዩቲዩብ ቻናል ይለቀቃሉ appeared first on Muzikawi.

በሻዱ አቤቤና ዓለሙ ደቻሳ የተገናኙት ሁለቱም አዘውትረው ይሄዱበት የነበረው ዓለም ገና ስቱዲዮ ሲሆን በስቱዲዮ ቆይታቸው የሰሩት የቅብብሎሽ ስራ የሙዚቃዊን ትኩረት መሳብ ቻለ፡፡ በዚህም የተነሳ ሙዚቃዊ ዜማውን በድጋሚ በቀጥታ ቀረጻ አዘጋጅቶታል፡፡

ሁለቱም አርቲስቶች የሙዚቃ ስራዎቻቸውን በየግላቸው እየሰሩ የሚገኙ ሲሆን ‘’ሚደግንኬ አዱማ’’ የተሰኘው ዜማ አሁን እምብዛም የማይሰተዋለውን የቅብብሎሽ ዜማን ይዞ የቀረበ፤ ውበትን እንዲሁም ተፈጥሮን ስለማድነቅ የሚያቀነቅን ሙዚቃ ነው፡፡ የባሌ ምት ያለው ይህ ዜማ በልዩ ሁኔታ ዘመናዊ ዘይቤን ከባህላዊ ይዘት ጋር ያዋሃደ ሲሆን ግጥሙ የተጻፈው በሳሚ ዋቁማና ቤከን ሳርቤሳ ሲሆን ሳሚ ዋቁማ በተጨማሪነት ዜማውን አቀናብሮታል፡፡ 

ዜማውን እውቁ ሳክስፎኒስትና አቀናባሪ ጆርጋ መስፍን ሪአሬንጅ ማድረጉም አዲስና ማራኪ ይዘት እንዲላበስ አድርጎታል፡፡

The post የኦሮምኛ ሙዚቃ ተጫዋቾቹ የበሻዱ አቤቤ እና ዓለሙ ደቻሳ አዲስ ‘’ሚደግንኬ አዱማ’’ የተሰኘ የቅብብሎሽ ዜማ ተለቀቀ appeared first on Muzikawi.